مہریہ دائمی اوقات نماز موبائل ایپ

مہریہ دائمی اوقات نماز برائے لودھراں و مضافات
مرتب : علامہ طالب حسین قمری
فاضل جامعہ غوثیہ مہریہ لودھراں

مہریہ اوقات نماز ڈاؤن لوڈ کرنے کے لئے یہاں کلک کریں

🌟 مبارک ہو! "مہریہ اوقاتِ نماز" ایپ تیار ہے! 🌟

الحمدللہ ثم الحمدللہ!

📥 ایپ ڈاؤنلوڈ کریں

ایک بہت بڑی دینی ضرورت کو مدنظر رکھتے ہوئے اب ایک انتہائی مفید موبائل ایپ مکمل ہو چکی ہے:

📱 "مہریہ اوقاتِ نماز برائے لودھراں و مضافات"
اب آپ کے موبائل پر دستیاب ہے!

🔰 اہم خصوصیات:

• 🔹 پنجگانہ نماز کے بالکل درست اوقات
• 🔹 سحر و افطار، طلوع و غروب آفتاب کے مکمل و مستند اوقات
• 🔹 اذان الارم کی سہولت (نماز یاد دہانی کے لیے)
• 🔹 تاریخ، دن، مہینے کے حساب سے ترتیب
• 🔹 مکمل اردو زبان، سادہ و خوبصورت انداز
• 🔹 خاص طور پر لودھراں اور قریبی علاقوں کے لیے ترتیب دی گئی

📌 پس منظر و اہمیت:

یہ اوقات وہی ہیں جو جامعہ غوثیہ مہریہ لودھراں سے ایک طویل عرصے سے "مہریہ دائمی اوقات نماز" کے عنوان سے حضرت شیخ الحدیث سیدی حضور قبلہ پیر سید ظفر علی شاہ صاحب مہروی دامت برکاتہم کی زیر نگرانی شائع ہوتے رہے ہیں، جو علاقے کی بیشتر مساجد میں آویزاں اور عملاً لاگو ہیں۔

🕰️ سحری کے وقت کی وضاحت:

• 📌 سحر کا وقت ہر روز دیا گیا ہے تاکہ وہ لوگ جو نفلی روزے رکھتے ہیں آسانی سے سحری کا اختتام معلوم کر سکیں۔
• 📌 اختتامِ سحر کے 7 سے 10 منٹ بعد اذان فجر کا وقت شروع ہوتا ہے۔
• 📌 یاد رہے! اختتام سحری تک تہجد کی نماز ادا کی جا سکتی ہے۔

💡 ایپ بنانے کی وجہ:

اکثر دوست سوال کرتے تھے:
"سحری کا آخری وقت کیا ہے؟"
"نمازِ فجر کا اختتام کب ہے؟"
اسی دینی ضرورت کو مدنظر رکھتے ہوئے یہ ایپ تیار کی گئی ہے تاکہ درست رہنمائی سب کو میسر ہو۔

🧪 تکنیکی وضاحت:

• 📌 یہ پہلا ورژن ہے اور مہریہ دائمی اوقات کو مکمل طور پر فالو کیا گیا ہے۔
• 📌 کسی بھی ممکنہ غلطی کی اصلاح اگلے ورژن میں کی جائے گی۔
• 📌 اگرچہ یہ پروفیشنل ایپ نہیں، مگر خلوصِ نیت سے تیار کی گئی ہے۔

📥 فائدہ اٹھائیں:

📲 ابھی ایپ ڈاؤنلوڈ کریں
📤 اسے اپنے اہلِ خانہ، دوستوں اور دینی ذوق رکھنے والوں تک پہنچائیں
🤲 اور اپنی دعاؤں میں ضرور یاد رکھیں

🖋️ طالب حسین قمری
فاضل درس نظامی جامعہ غوثیہ مہریہ لودھراں
امام و خطیب، جامع مسجد ولی محمد، لودھراں
📞 رابطہ نمبر / واٹس ایپ: 03076543038

مکمل تحریر اور تبصرے>>

قربانی کے جانور کے عیوب و نقائص

 قربانی کے جانور کے وہ عیوب و نقائص جن کی بنیاد پر قربانی ناجائز و منع ہے۔ اس تعلق سے احادیث کریمہ ملاحظہ فرمائیں:

١) امام ابو داؤد روایت کرتے ہیں:

عن براء بن عازب رضى الله عنه قال قام فينا رسول الله صلى الله عليه وسلم فقال اربع لا تجوز فى الاضاحى فى العوراء بين عورها والمريضة بين مرضها والعرجاء بين ظلعها والكبيرة التى لا تنقى

ترجمہ: حضرت براء بن عازب رضی اللہ عنہ بیان کرتے ہیں کہ رسول اللہ صلی اللہ علیہ وسلم ہمارے پاس کھڑے ہوئے اور فرمایا: چار قسم کے جانوروں کی قربانی جائز نہیں ہے، کانا جس کا کانا ہونا ظاہر ہو، بیمار جس کا مرض ظاہر ہو، لنگڑا جس کا لنگڑا ہونا ظاہر ہو اور بوڑھا جس کی ہڈیوں میں گودا نہ ہو۔

مندرجہ بالا حدیث کو امام ترمذی، امام بیہقی اور امام ابن حبان نے بھی روایت کیا ہے۔

٢) امام ابو داؤد روایت کرتے ہیں:

عن عتبه بن عبد السلمى قال انما نهى' رسول الله صلى الله عليه وسلم عن المصفرة والمستاصلة والنجقاء والمشيعة والكسراء

ترجمہ: حضرت عتبہ بن عبد السلمی بیان کرتے ہیں کہ رسول اللہ صلی اللہ علیہ وسلم نے اس جانور کی قربانی سے منع فرمایا ہے جس کا کان اکھاڑ لیا جائے اور اس کا سوراخ ظاہر ہو جائے، اور اس جانور کی قربانی سے منع فرمایا ہے جس کے سینگ جڑ سے اکھاڑ لئے جائیں، اور جس کی آنکھ میں روشنی نہ رہے اور جو اس قدر دبلا ہو کہ بکریوں کے ریوڑ کے ساتھ چل نہ سکے اور جس کی ٹانگ ٹوٹی ہوئی ہو۔۔۔۔ اس حدیث کو امام بیہقی نے بھی روایت کیا ہے۔

٣) عن على قال امرنا رسول الله صلى الله عليه وسلم ان نستشرف العين والاذن ولا نضحى بعوراء ولا مقابلة ولا مدابرة ولا خرقاء ولا شرقاء

ترجمہ: حضرت علی رضی اللہ عنہ بیان کرتے ہیں کہ رسول اللہ صلی اللہ علیہ وسلم نے ہمیں حکم دیا ہے کہ ہم قربانی کے جانوروں کی آنکھوں اور کانوں کو بغور دیکھ لیا کریں، اور کانے جانور کی قربانی نہ کریں اور نہ اس کی جس کے کان کی اگلی جانب کٹی ہوئی ہو، اور نہ اس کی جس کے کان کی پچھلی جانب کٹی ہوئی ہو اور نہ اس کی جس کے کان میں بطور علامت سوراخ ہو اور نہ اس کی جس کا کان چرا ہوا ہو۔۔۔۔۔ اس حدیث کو امام ترمذی اور امام بیہقی نے بھی روایت کیا ہے۔

٤) عن على ان النبى صلى الله عليه وسلم ينهى ان يضحى بعضباء الاذن والقرن

ترجمہ: حضرت علی رضی اللہ عنہ بیان کرتے ہیں کہ نبی صلی اللہ علیہ وسلم نے کان کٹے ہوئے اور سینگ ٹوٹے ہوئے جانور کی قربانی سے منع فرمایا۔۔۔۔۔ اس حدیث کو امام بیہقی نے بھی روایت کیا ہے۔ (شرح صحیح مسلم/ کتاب الاضاحی/ ج ٦ ص ١٤٨/ مكتبه فرید بک اسٹال ٣٨ اردو بازار لاہور)

 

خلاصہ یہ کہ قربانی کے جانور کو عیب سے خالی ہونا چاہئے اور تھوڑا سا عیب ہو تو قربانی ہوجائے گی مگر مکروہ ہوگی اور زیادہ عیب ہو تو ہوگی ہی نہیں۔

 

قربانی کے جانور کے وہ عیوب جن کی وجہ سے قربانی جائز نہیں۔۔ اس کی تفصیل بہار شریعت میں یوں مذکور ہے۔

 

1)اگر جانور کا سینگ تھا مگر ٹوٹ گیا اور مینگ تک ٹوٹا ہے تو قربانی ناجائز ہے

2) جس جانور میں جنون ہے اگر اس حد کا ہے کہ وہ چرتا بھی نہیں ہے تو اس کی قربانی ناجائز ہے

3) خارشی جانور جو اتنا لاغر ہو کہ ہڈی میں مغز نہ رہا تو قربانی جائز نہیں

4) اندھے جانور کی قربانی جائز نہیں اور کانا جس کا کانا پن ظاہر ہو، اتنا لاغر جس کی ہڈیوں میں مغز نہ ہو اور لنگڑا جو قربان گاہ تک اپنے پاؤں سے نہ جا سکے اور اتنا بیمار جس کی بیماری ظاہر ہو اور جس کے کان یا دم یا چکی کٹے ہوں یعنی وہ عضو تہائی سے زیادہ کٹا ہو، ان سب کی قربانی ناجائز ہے۔

5) جس جانور کے پیدائشی کان نہ ہوں یا ایک کان نہ ہو اس کی بھی قربانی ناجائز ہے

6) جس جانور کی تہائی سے زیادہ نظر جاتی رہی اس کی بھی قربانی ناجائز ہے

7) جس جانور کے دانت نہ ہوں یا جس کے تھن کٹے ہوں یا خشک ہوں اس کی قربانی ناجائز ہے، بکری میں ایک کا خشک ہونا ناجائز ہونے کے لئے کافی ہے اور گائے بھینس میں دو خشک ہوں تو ناجائز ہے۔ جس کی ناک کٹی ہو یا علاج کے ذریعہ اس کا دودھ خشک کردیا ہو اور خنثی جانور یعنی جس میں نر و مادہ دونوں کی علامتیں ہوں اور جلالہ جو صرف غلیظ کھاتا ہو، ان سب کی بھی قربانی ناجائز ہے۔

8) جس جانور کا ایک پاؤں کاٹ لیا گیا ہو اس کی بھی قربانی ناجائز ہے۔ 

مکمل تحریر اور تبصرے>>

شوال کے چھ نفلی روزوں کی فضیلت

 شوال کے چھ نفلی روزوں کی فضیلت

حضرت ابو ایوب انصاری رضی اللہ عنہ سے روایت ہے کہ حضور نبی کریم صلی اللّٰہ علیہ وآلہ وسلّم نے ارشاد فرمایا

 من صام رمضان ثم اتبعه ستاً من شوال کان کصیام الدهر

جس شخص نے رمضان المبارک کے روزے رکھے اور پھر اس کے بعد شوال کے چھ روزے رکھے تو گویا اس نے سال بھر کے روزے رکھے

صحیح مسلم کتاب الصیام رقم الحدیث: 1164

مکمل تحریر اور تبصرے>>

اختتام رمضان پر ایک پیغام

 اختتام رمضان پر ایک پیغام

رمضان نیکیوں کے لئے فصل بہار ہے

لیکن اللہ عزوجل کی عبادت اور اس کی مرضی کے مطابق زندگی گزارنے کا حکم ہر دن بلکہ ہر پل کے لئے ہے،اس لئے رمضان کے ختم ہو جانے کے بعد بھی عبادتوں،تلاوت اور ذکر و اذکار کا اہتمام،خوش خلقی،اپنے اور پرائے سے حسن سلوک اور اللہ کی راہ میں خرچ کرنے کا مزاج باقی رکھیں۔

اللہ تعالیٰ ہم سب کو عمل کی توفیق عطا فرمائے،

آمین یا رب العالمین

مکمل تحریر اور تبصرے>>

روزہ آسمان و زمین کے درمیان معلق رہتا ہے

 حضرت انس بن مالک رضی اللہ عنہ سے روایت ہے کہ حضور نبی کریم صلی اللّٰہ علیہ وآلہ وسلّم نے ارشاد فرمایا

صیام الرجل معلق بین السماء والارض حتی یو دی صدقۃ الفطر

فطرانہ ادا نہ کیا جائے بندہ کا روزہ زمین و آسمان کے درمیان معلق ہو جاتا ہے

کنزالعمال ج 3 باب صدقہ فطر

مکمل تحریر اور تبصرے>>