اسلام میں عورتوں کی تعلیم

عورتوں کی تعلیم پر دین اسلام نے کوئی قدغن نہیں لگائی، مردوں کی تعلیم کے ساتھ ساتھ عورتوں کی تعلیم کوبھی لازمی قرار دیا گیا ہے۔اسلام دین فطرت ہے یہ کیسے ہو سکتا ہے کہ مرد تو تعلیم حاصل کریں اور عورت کو تعلیم سے بالکل دور رکھا کائے.

حضرت ابو موسیٰ رضی اللہ عنہ سے روایت ہے کہ:
حضور نبی اکرم صلیٰ اللہ علیہ وآلہ وسلم نے ارشاد فرمایا:
" جس کے پاس کوئی باندی ہو پھر وہ اسے مودب بنائے اور تعلیم دلائے، پھر آزاد کر کے اس سے نکاح کرے اس کے لیے دوگنا ثواب ہے۔‘‘ پیغمبر اسلام   صلیٰ اللہ علیہ وآلہ وسلم نے تو باندی کی تعلیم کے لئے دوگنا اجر فرمایا ہے تو پھر اپنی حقیقی بیٹی کی تعلیم سے منع کیسے کیا جا سکتا ہے؟ 

(ابن ماجہ، 1: 629، رقم الحدیث : 1956، مطبوعہ  دار الفکربيروت)

حضرت عبد اﷲ رضی اللہ عنہ کہتے ہیں کہ:

 میں نے رسول اﷲ صلیٰ اللہ علیہ وآلہ وسلم کو فرماتے ہوئے سنا  جس کی بیٹی ہو اور اس نے اسے اچھا ادب سکھلایا اور اچھی تعلیم دی اور اس پر ان انعامات کو وسیع کیا جو کہ اﷲ نے اس کو دیئے ہیں تو وہ بیٹی اس کے لئے جہنم سے رکاوٹ اور پردہ بنے گی۔

(مجمع الزوائد، 8: 158:مطبوعہ دار الکتاب بیروت)

ابھی یہ مضمون جاری ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔